বাহাৰঘাটঃ নলবাৰী আৰু কামৰূপ জিলাৰ মিলন ক্ষেত্ৰ বৰগাছা দুৰ্গামন্দিৰ প্ৰাংগনত দেওবাৰে দিনজোৰা কাৰ্য্যসূচীৰে মিলনজ্যোতি সংঘৰ উদ্যোগত অনুষ্ঠিত হয় ৪১ তম্ বড়িগোগ বৰভাগ আঞ্চলিক বহাগী সন্মিলন৷ পূৰ্বৰে পৰা হিন্দু মুছলমানৰ সমন্বয় স্থলী হিচাবে সকলোৰে জনপ্ৰিয় ঠাই বৰগাছাত এইবেলিও অজস্ৰ ৰাইজৰ সমাগম হয়৷
পুৱা পতাকা উত্তোলন, গছপুলি ৰোপণ, খেল-ধেমালি প্ৰতিযোগিতাৰ অন্তত সন্ধিয়া বিশেষ সম্বৰ্ধনা, আমন্ত্ৰিত বিহু হুচৰি দলৰ বিহু হুচৰি প্ৰদৰ্শন, নৃত্য প্ৰদৰ্শন, নিশা সমাজৰত্ন প্ৰয়াত কুশল কুমাৰ তালুকদাৰ সোঁৱৰণি সাংস্কৃতিক সন্ধিয়া ’সুৰৰ অলকানন্দা’ত সংগীত শিল্পী প্ৰাঞ্জল পৰশ আৰু নিকিতা কাশ্যপৰ সংগীতানুষ্ঠানে সমাবেত ৰাইজক আপ্লুত কৰে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।