যোৰহাটত চোৰৰ উপদ্ৰৱ

যোৰহাট: যোৰহাট বালিগাঁৱৰ ৰজাহাউলীত একেনিশাই ৩ টাকৈ ঘৰত চোৰে চলালে লুটপাত। চোৰ কৰি লৈ গ'ল লক্ষাধিক টকাৰ আ-অলংকাৰ, নগদ ধন আৰু এখন স্কুটি। ঘটনাৰ বিৱৰণী অনুসৰি যোৱা নিশা গাঁৱৰ ৰাইজ স্থানীয় নামঘৰত অনুষ্ঠিত হোৱা ভাওনালৈ যোৱাৰ সুযোগ লৈ বুল নেওঁগ, মণ্টু কলিতা, মনোৰম তাঁতী আৰু ভবেন্দ্ৰ নাথ বৰকটকীৰ ঘৰত চোৰে লুটি নিয়ে কেইবাটাও সোণৰ ছেট, নগদ প্রায় ৫ লক্ষাধিক টকা আৰু এখন স্কুটি।

ঘটনা সন্দৰ্ভত যোৰহাট আৰক্ষীয়ে বৰ্তমান তদন্ত অব্যাহত ৰাখিছে।