বৰপেটাঃ সমগ্ৰ ৰাজ্যৰ লগতে বৰপেটাতো আজিৰে পৰা আৰম্ভ হৈছে গুণোৎসৱ। বৰপেটা জিলাৰ প্ৰায় ২২৫৫ খন বিদ্যালয়ত অনুষ্ঠিত হৈছে এই গুণোৎসৱ। গুণগত মান নিৰূপণ কৰাৰ উদ্দেশ্যেই অনুষ্ঠিত হৈ আহিছে এই গুণোৎসৱ। ক'ভিড কালিন পৰিস্থিতিৰ বাবে দুটা বছৰ অনুষ্ঠিত হ'ব পৰা নাছিলে এই গুণোৎসৱ। আজি বৰপেটা চহৰৰ বৰপেটা টাউন হাইস্কুলত অনুষ্ঠিত হয় গুণোৎসৱ। আটকধুনীয়া কৈ সজাই পৰাই তোলা লৈছে বিদ্যালয়খন।
বিদ্যালয় খনৰ প্ৰধান শিক্ষক হুমায়ুন কবিৰ ছিদ্দিকৰ প্ৰচেষ্টাৰ লগতে অৱসৰি প্ৰতিষ্ঠাপক প্ৰধান শিক্ষক নজিবুল হকৰ প্ৰচেষ্টাত সকলো শিক্ষক কৰ্মচাৰীয়ে এই গুণোৎসৱ সফল কৰি তোলাত আগভাগ লয়। বিদ্যালয়ৰ প্ৰাত:সভাৰ পৰা আৰম্ভ হয় এই গুণোৎসৱ। বিদ্যালয়ৰ প্ৰতিজন ছাত্ৰ-ছাত্ৰীয়ে গুণোৎসৱ সফল কৰাৰ বাবে যৎপৰোনাস্তি চেষ্টা অব্যাহত ৰখা পৰিলক্ষিত হয়। আজিৰ এই গুণোৎসৱত বহী মূল্যায়ক হিচাপে উপস্থিত থাকে সৰভোগৰ উপ-গানণীক বিষয়া ধীৰাজ কুমাৰ দাস আৰু সৰভোগ চকচকা ব্লকৰ সহকাৰী অভিযন্তা গীৰিন্দ্ৰ বৰুৱা। দুয়োজন বিশিষ্ট অতিথিকে বৰপেটা টাউন হাইস্কুলৰ তৰফৰপৰা একোখন ফুলাম গামোচা আৰু জাঁপিৰে সম্বৰ্ধনা জনোৱা হয়।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।