লংকাৰপৰা নিৰুদ্দেশ অষ্টম শ্ৰেণীৰ ছাত্ৰী: সন্ধান ওলোৱাত ব্যৰ্থ আৰক্ষী

লংকা: পৱিত্ৰ ঈদৰ দিনাখনেই লংকাৰ উদালী গাঁৱৰ পৰা নিৰুদ্দিষ্ট হয় এগৰাকী কিশোৰী। কাকী জয়পুৰ মধ্য ইংৰাজী বিদ্যালয়ৰ অষ্টম শ্ৰেণীত অধ্যয়ন কৰি থকা ছাত্ৰীগৰাকী ৫ জুন ঈদৰ দিনাখন নিজ ঘৰৰপৰায়েই সন্ধ্যা ৬মান বজাত নিৰুদ্দেশ হৈ পৰে। এই সন্দৰ্ভত কিশোৰী ছাত্ৰীগৰাকীৰ পৰিয়ালৰ লোকে লগে লগেই স্থানীয় তিনিআলি আৰক্ষী পহৰা চকীত নিৰুদ্দেশ সৰ্ম্পকীয় এক এজাহাৰ দাখিল কৰে যদিও আজি ৫দিন অতিক্ৰম কৰাৰ পাছতো কিশোৰীগৰাকীৰ সন্ধান উলিওৱাত ব্যৰ্থ হয় আৰক্ষী।

ইপিনে কিশোৰী ছাত্ৰীগৰাকীৰ পৰিয়ালে গাঁৱৰে ছাদ্দাম হুচেইন নামৰ এজন লৰায়ে অপহৰণ কৰা বুলি সন্দেহ প্ৰকাশ কৰি আৰক্ষীক অৱগত কৰিছে যদিও আৰক্ষীয়ে সম্পূৰ্ণ গা এৰা মনোভাৱেৰে তদন্ত অব্যাহত আছে বুলি বিগত ৫টা দিনে আভূৱা ভাৰি অহাৰ অভিযোগ উত্থাপন কৰিছে পৰিয়ালৰ লোকে।