গৌৰীপুৰঃ বিটিএডিৰ পৰ্বতঝোৰা শিক্ষাখণ্ডৰ অন্তৰ্গত কুৰ্শাকাটি হাইস্কুলত আজি গুণোৎসৱ আয়োজন কৰা হয়। বিদ্যালয়খনত আজি অনুষ্ঠিত গুণোৎসৱত মুখ্য অতিথি হিচাপে উপস্থিত হল বিশেষ আৰক্ষী সঞ্চালক জ্ঞানেন্দ্ৰ প্ৰতাপ সিং। দ্বিতীয় পৰ্যায়ৰ গুণোৎসৱৰ তৃতীয় দিনা বিশেষ আৰক্ষী সঞ্চালক গৰাকীয়ে কুৰ্শাকাটি হাইস্কুলত উপস্থিত হয়৷ সঞ্চালক গৰাকীয়ে স্কুলখনৰ শৈক্ষিক পৰিৱেশৰ বুজ লোৱাৰ লগতে শ্ৰেণী কোঠাত সোমাই ছাত্ৰ-ছাত্ৰী সকলোৰ মূল্যায়নৰ বুজ লয়।
সঞ্চালক প্ৰধান গৰাকীয়ে স্কুলৰ আভ্যন্তৰীণ পৰিবেশৰ বুজ লোৱাৰ পাছত বিদ্যালয় খনৰ শিক্ষক শিক্ষয়িত্ৰী, জিলা প্ৰশানৰ বিষয়ববীয়াৰ সতে আলোচনাত মিলিত হয়৷ বিদ্যালয়খনৰ শিক্ষক-শিক্ষয়িত্ৰী আৰু স্থানীয় ৰাইজৰ লগত মত-বিনিময় কৰি বিদ্যালয়খনৰ বিভিন্ন দিশৰ বুজ লৈ দিহা পৰামৰ্শ আগবঢ়ায়। কুৰ্শাকাটি হাইস্কুলৰ আন্তঃগাঁথনি উন্নয়নৰ বাবে বিদ্যালয় খনৰ প্ৰধান শিক্ষকৰ হাতত নগত এক লাখ টকা অনুদান আগবঢ়ায় বিশেষ আৰক্ষী সঞ্চালক গৰাকীয়ে৷ লগতে স্কুলখনৰ প্ৰশ্ৰাৱগাৰ আৰু শৌচাগাৰ তিনি মাহৰ ভিতৰতে নিৰ্মাণ কৰা হ’ব বুলি সঞ্চালক গৰাকীয়ে প্ৰকাশ আশ্বাস প্ৰদান কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।