ৰূপহীহাটত কৃতি ছাত্ৰ-ছাত্ৰীক সম্বৰ্ধনা

জুৰীয়াঃ সদ্যঘোষিত উচ্চতৰ মাধ্যমিকৰ ফলাফলত সুখ্যাতিৰে উত্তীৰ্ণ হৈ ৰূপহী অঞ্চললৈ গৌৰৱ কঢ়িয়াই অনা কৃতি ছাত্ৰ-ছাত্ৰীক এজে হস্পিতাল ও ৰিচাৰ্জ চেণ্টাৰৰ সৌজন্যত নগাঁৱৰ ৰূপহীহাটত সম্বৰ্ধনা জনোৱা হয়। ফুলাম গামোচা, কিতাপ আৰু সম্বৰ্ধনা পত্ৰৰে প্ৰায় তিনি শতাধিক কৃতি ছাত্ৰ-ছাত্ৰীক সম্বৰ্ধনা জনাই এজে হস্পিতালৰ সত্বাধিকাৰী তথা বিশিষ্ট সমাজ কৰ্মী ডাঃ শ্বফিকুল ইছলামে নাৰী শিক্ষাৰ প্ৰতি গুৰুত্ব দিবলৈ সৰ্বসাধাৰণক আহ্বান জনায়।

উক্ত অনুষ্ঠানত উপস্থিত থাকে গুৱাহাটী বিশ্ববিদ্যালয়ৰ প্ৰাক্তন অধ্যাপক ড° আব্দুল মান্নান, ধিং মহাবিদ্যালয়ৰ প্ৰাক্তন উপাধক্ষ্য ড° আব্দুছ ছালাম, ৰূপহী মহাবিদ্যালয়ৰ প্ৰাক্তন অধ্যাপক ড° নুৰুল হকৰ লগতে আন বহুতো বিশিষ্ট ব্যক্তি।