বৰপেটাঃ বৰপেটা জিলা ডিজিটেল সাংবাদিক সন্থাৰ দ্বিতীয় কাৰ্যনিৰ্বাহক সমিতিৰ আজি নতুন সমিতি গঠন কৰা হয়। বৰপেটা টাউন হাইস্কুলত জ্যেষ্ঠ সাংবাদিক জয়ন্ত কুমাৰ দাসৰ পৌৰহিত্যত অনুষ্ঠিত হোৱা সভাখনত জিলাখনৰ বিভিন্ন প্ৰান্তৰ ডিজিটেল সংবাদ মাধ্যমৰ সাংবাদিক সকল উপস্থিত থাকে। সভাত বৰপেটা জিলা ডিজিটেল সাংবাদিক সন্থাৰ সাংগঠনিক দিশ সম্পৰ্কে বিষদভাৱে আলোচনা কৰা হয়। আজিৰ এই সভাতেই উপস্থিত সদনৰ সৰ্বসন্মতিক্ৰমে জয়ন্ত কুমাৰ দাসক সভাপতি, পুলেন্দ্ৰ দাসক কাৰ্যকৰী সভাপতি, উপ সভাপতি ক্ৰমে জোন দাস, মইনুল হক চৌধুৰী, আজিজুল হক আৰু নজমুল হক, হিল্লোল জ্যোতি তালুকদাৰক সাধাৰণ সম্পাদক, যুটীয়া সম্পাদক বাপকন দাস ছফিক আহমেদ সহকাৰী সম্পাদক মনজিৎ দাস আৰু ৰাজু দাসক লৈ এখন একত্ৰিশ জনীয়া কাৰ্যনিৰ্বাহক সমিতি গঠন কৰা হয়। সভাৰ শেষত বৰপেটা জিলা ডিজিটেল সাংবাদিক সন্থাৰ প্ৰাক্তন কাৰ্যালয় সম্পাদক প্ৰয়াত জুলফিকাৰ আলী আহমেদৰ স্মৃতিত এক মিনিট সময় মৌন প্ৰাৰ্থনা জনোৱা হয়।
