খাৰুপেটীয়া প্ৰেছ ক্লাবৰ উদ্যোগত‌ বিশ্ব পৰিৱেশ দিৱস উদযাপন

খাৰুপেটীয়াঃ প্ৰতিবছৰ ৫ জুনত পালন কৰা হয় বিশ্ব পৰিবেশ দিৱস‌। সাম্প্ৰতিক সময়ত বিশ্বত ভয়াবহ ৰূপে দেখা দিয়া পৰিৱেশ প্ৰদুষণ ৰোধ কৰাৰ বাবে ৫ জুনৰ দিনটো পৰিৱেশ দিৱস হিচাপে পালন কৰা। এই দিৱসৰ‌ লগত সংগতি ৰাখি খাৰুপেটীয়া প্ৰেছ ক্লাবে অচিনতলা এম ই স্কুল, খাৰুপেটীয়া থানা আৰু টাউন জামে মজছিদত বৃক্ষ ৰোপণ কাৰ্যসূচী ৰুপায়ণ কৰে। এই কাৰ্যসূচীত খাৰুপেটীয়াৰ দুগৰাকী জ্যেষ্ঠ সাংবাদিক আতাউৰ ৰহমান, মেছেৰ আলি, প্ৰেছ ক্লাবৰ সভাপতি শ্ৰৱশ ঝা, সম্পাদক আব্দুল হাকিম, সাংবাদিক ইমদাদুল ইছলামকে ধৰি  প্ৰেছ ক্লাবৰ প্ৰতিজন সদস্যই এজোপাকৈ গছপুলি ৰোপণ কৰি বিশ্ব পৰিৱেশ দিৱস পালন কৰে।