বৰপেটাঃ বৰপেটাৰ গণককুছি সেনা চাউনিৰ সমীপত আজি ৰাতিপুৱা এক ভয়ংকৰ পথ দুৰ্ঘটনা সংঘটিত হয়। জানিব পৰা মতে এখন ই-ৰিক্সাই যাত্ৰী নমাই থৈ গণককুছি অভিমুখে আহি থাকতে সংঘটিত হৈছে এই দুৰ্ঘটনা। হঠাৎ নিয়ন্ত্ৰণ হেৰুৱাই ই-ৰিক্সাখন ২০ ফুট দ-খাৱৈত পৰি যায়।
দুৰ্ঘটনা সংঘটিত হোৱা নিচেই সমীপত সেনাৰ ৯ নং জাত ৰেজিমেন্টৰ সেনা চাউনী হোৱাৰ পৰিপ্ৰেক্ষিতত সেনাৰ জোৱানসকলে তৎপৰতাৰে ই-ৰিক্সাখন ২০ ফুট দ-খাৱৈৰ পৰা উদ্ধাৰ কৰিবলৈ সক্ষম হয়। সেনা জোৱানসকলে সম্পূৰ্ণ সেনাৰ সামৰিক পদ্ধতি ব্যৱহাৰ কৰি ৰছী লগাই ই-ৰিক্সাখন উদ্ধাৰ কৰিবলৈ সক্ষম হয়।
ভাগ্যবশতঃ চালকজন বিশেষ আঘাতপ্ৰাপ্ত হোৱা নাই। এই উদ্ধাৰ কাৰ্য্যত সেনাক সহায় সহযোগিতা আগবঢ়াই বৰপেটা জিলা ডিজিটেল সাংবাদিক সন্থাৰ কাৰ্য্যালয় সম্পাদক জুলফিকাৰ আলী আহমেদ আৰু স্থানীয় ৰাইজে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।