ৰঙিয়াঃ মুখ্যমন্ত্ৰী ড০ হিমন্ত বিশ্ব শৰ্মাই আজি ৰঙিয়া ভ্ৰমণ কৰি মহকুমাটোৰ বান পৰিস্থিতিৰ বুজ লয়। পোনপ্ৰথমেই তেওঁ ৰঙিয়াৰ ফাটিমা কনভেণ্ট স্কুলত উপস্থিত হৈ বিদ্যালয়খনত স্থাপিত আশ্ৰয় শিবিৰটো পৰিদৰ্শন কৰে। তেওঁ শিবিৰৰ আৱাসীসকলৰ সৈতেও কথা-বতৰা পাতি তেওঁলোকৰ দুখ-দুৰ্দশাৰ বুজ লয়। বানাক্ৰান্ত ৰাইজৰ উদ্ধাৰ আৰু সাহায্য অভিযানৰ ক্ষেত্ৰত অধিক তৎপৰতাৰে কাম-কাজ অব্যাহত ৰাখিবলৈ তেওঁ জিলা প্ৰশাসন তথা মহকুমা প্ৰশাসনক নিৰ্দেশ দিয়ে। ইয়াৰ পাছতে তেওঁ ৰঙিয়াৰ চছইটি চকৰ সমীপৰ ৰঙিয়া মেইন ৰোডৰ পৰা চহৰখনৰ বান পৰিস্থিতিৰ চাক্ষুস বুজ লয়।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।