কামপুৰঃ জনপ্ৰতিনিধি লৈ বাট নাচায় ৰাইজে নিৰ্মাণ কৰিলে এখন বাঁহৰ দলং। ৰাইজৰ নিজৰ গাঁঠিৰ ধন ভাঙি নিজ প্ৰচেষ্টাৰে নিৰ্মাণ কৰি লৈছে এখন বাঁহৰ দলং। নগাঁও জিলাৰ ৰহা সমষ্টিৰ অন্তৰ্গত লংজাপ মাজভাগত এখন দলং নিৰ্মাণ কৰি লৈছে।
লংজাপ কচুৱা যোৱাৰ একমাত্ৰ পথটোত বৰপানী নদীৰ পানী সোমাই পথটোত একাঠু পানী জমা হোৱাৰ ফলত যাতায়ত ব্যৱস্থা ব্যাহত হৈ পৰিছিল। বিশেষকৈ জৰুৰীকালীন ৰোগীৰ বাবে এম্বুলেঞ্চ সোমোৱাৰ পৰা বঞ্চিত হৈছিল অঞ্চলবাসী। যাৰ ফলত ৰাইজে নিজৰ গাঁঠিৰ ধন ভাঙি এখন বাহৰ দলং নিৰ্মাণ কৰি লৈছে। বাঁহৰ দলং নিৰ্মাণত প্ৰায় ৫০ হাজাৰ টকা খৰচ হৈছে বুলি জানিব দিছে। যাৰ বাবে চৰকাৰ আৰু ৰহা সমষ্টিৰ বিধায়ক শশীকান্ত দাসক কিছু সহায় সহযোগিতা আগবঢ়াবলৈ আহ্বান জনাইছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।