নুমলীগড়ঃ গোলাঘাট জিলাৰ মৰঙি মৌজাৰ অন্তৰ্গত কৌৱানী অঞ্চলৰ এখনি অগ্ৰণী শিক্ষানুষ্ঠান নামবৰ কৌৱানী উচ্চ মাধ্যমিক বিদ্যালয়। আজি এই শিক্ষানুষ্ঠানখনৰ প্ৰতিষ্ঠাকালৰে পৰা শিক্ষকতা কৰা অৱসৰপ্ৰাপ্ত প্ৰধান শিক্ষয়িত্ৰী ৰিনুমনি ভূঞাৰ বিদায় সম্বৰ্ধনা অনুষ্ঠান এক আড়ম্বৰপূৰ্ণ পৰিৱেশৰ মাজেৰে সম্পন্ন হৈ যায়। বিদ্যালয়ৰসহ শিক্ষক নৰেন খাউণ্ডে আঁত ধৰা অনুষ্ঠানত বিদ্যালয়ৰ পৰিচালনা সমিতিৰ সভাপতি কমল গোস্বামী দেৱে সভাপতিত্ব কৰে বিদায় সম্বৰ্ধনা অনুষ্ঠানৰ।আজিৰ অনুষ্ঠানত উপস্থিত থকা ফলঙনি বাপুজী উচ্চত্তৰ মাধ্যমিক বিদ্যালয়ৰ অৱসৰপ্ৰাপ্ত অধ্যক্ষ তোলেশ্বৰ হাজৰিকা, গোলাঘাট জিলা শিক্ষক সন্থাৰ সম্পাদক দীপক কুমাৰ গগৈ,অসম জাতীয়তাবাদী যুৱ পৰিষদ গোলাঘাট জিলা সমিতিৰ সভাপতি বিপুল বৰা, ফলঙনি আঞ্চলিক সমিতিৰ সভাপতি বিতোপন বৰাৰ লগতে সম্বৰ্ধনা সভাত উপস্থিত থকা কেইবাগৰাকীও শিক্ষাগুৰু আৰু স্থানীয় গন্যমান্য ব্যক্তি কেইবাগৰাকীও বক্তব্য ৰাখে বিদায়ী শিক্ষয়িত্ৰী গৰাকীৰ সুদীৰ্ঘ জীৱনৰ কৰ্মৰাজীৰ ওপৰত। উল্লেখ্যযে ১৯৯৩ চনৰ পৰা ২০১২ চনলৈ ২০ বছৰ বিনাবেতনে শিক্ষকতা কৰাৰ পিছত ২০১৩ চনত বিদ্যালয়খনি চৰকাৰীকৰন হৈছিল। সদ্য অৱসৰ প্ৰাপ্ত শিক্ষয়িত্ৰী গৰাকীয়ে একেৰাহে প্ৰতিষ্ঠা কালৰ পৰা ২৯ বছৰ শিক্ষকতা কৰি অঞ্চলটিৰ ছাত্ৰ-ছাত্ৰী সকলক সুশিক্ষা প্ৰদান কৰিছিল। অঞ্চলটিৰ সকলোৰে প্ৰিয় শিক্ষয়িত্ৰী গৰাকীৰ আজিৰ বিদায় সম্বৰ্ধনা সভাখনি এক মহত্বপূৰ্ণ অনুষ্ঠান আছিল।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।