নুমলীগড়ঃ নুমলীগড়ৰ কাষৰীয়া মৰঙী মৌজাৰ থুৰাজান অঞ্চলৰ এখনি আগশাৰীৰ ব্যক্তিগতখণ্ডৰ বিদ্যালয় শঙ্কৰদেৱ শিশু নিকেতন, থুৰাজান। আজি বিদ্যালয়খনিত এক আৰম্বৰপূৰ্ণ পৰিৱেশ। সদ্যঘোষিত মেট্ৰিক পৰীক্ষাত ১০০% উত্তীৰ্ণেৰে বিদ্যালয়খনিলৈ লগতে অঞ্চলটিলৈ সুনাম কঢ়িওৱা কৃতী শিক্ষাৰ্থীসকলক নিকেতনৰ সমূহ পৰিয়ালবৰ্গই সম্বৰ্ধনা জনায়। উল্লেখ্য যে ডিষ্টিংচন ৬ আৰু ষ্টাৰমাৰ্ক ৫ গৰাকী, মুঠ প্ৰথম বিভাগত ১৬ গৰাকী উত্তীৰ্ণ হৈছিল ২২ গৰাকীৰ ২২ গৰাকীয়েই উত্তীৰ্ণ হৈছিল নিকেতন খনৰ পৰা। শিক্ষাৰ্থীসকলৰ লগতে কৃতী শিক্ষাৰ্থীৰ অভিভাৱক সকলকো সম্বৰ্ধনা জনোৱা হয়।শিক্ষাৰ্থী সকলক উদ্দ্যেশি অঞ্চলটিৰ অৱসৰপ্ৰাপ্ত শিক্ষক বিপিন বৰা দেৱে গঠনমূলক ভাষন ৰাখে। নিকেতনৰ শিক্ষাৰ্থী প্ৰদ্যুত তামুলী, গুনগুন দুৱৰাৰ লগতে কেইবাগৰাকী শিক্ষাৰ্থীয়ে কৃতী শিক্ষাৰ্থীসকলক গীতেৰে অভিনন্দন জনায়। আজিৰ অভিনন্দন অনুষ্ঠানটিত নিকেতনৰ আচাৰ্য-আচাৰ্যা, ছাত্ৰ-ছাত্ৰী সকল, অভিভাৱক-অভিভাৱিকা, বিদ্যালয়ৰ পৰিচালনা সমিতিৰ সভাপতি ৰমেশ ফুকন আদিকে কৰি ভালেসংখ্যক ব্যক্তি উপস্থিত থাকে। আজিৰ অভিনন্দন অনুষ্ঠানটি এক গাম্ভীৰ্যপূৰ্ণ পৰিৱেশৰ মাজেৰে সফল সমাপ্তি হয়।
