ৰঙিয়াঃ ৰঙিয়াত বানপীড়িত সকলৰ বাবে আজি এক স্বাস্থ্য শিবিৰ মুকলি কৰে ৰঙিয়া সমষ্টিৰ বিধায়ক তথা ৰাজ্যিক বিজেপিৰ সভাপতি ভৱেশ কলিতাই। জয়ন্তীপুৰ গাঁও পঞ্চায়তৰ অন্তৰ্গত বৰকুকুৰীয়া গোপালপুৰ প্ৰাথমিক বিদ্যালয়ৰ প্ৰাংগণত আয়ুৰ্বেদিক চিকিৎসা সংস্থাৰ উদ্যোগত অনুষ্ঠিত হয় স্বাস্থ্য শিবিৰটো। ভাৰতীয় জনতা পাৰ্টি, ৰঙিয়া ব্লক মণ্ডল আৰু ভাৰতীয় জনতা যুৱ মৰ্চা আৰু ৰঙিয়া ব্লক মণ্ডলৰ উদ্যোগত অনুষ্ঠিত হোৱা স্বাস্থ্য শিবিৰত কেইবাখনো গাঁৱৰ জনসাধৰণে চিকিৎসা গ্ৰহণ কৰে। ৰঙিয়াৰ বিধায়ক ভৱেশ কলিতাই এনেদৰে জয়ন্তিপুৰ গাঁও পঞ্চায়তৰ অধিনত স্বাস্থ্য শিবিৰ স্থাপন কৰাত জয়ন্তিপুৰ বাসীয়ে ধন্যবাদ জনাইছে অঞ্চলটোৰ ৰাইজে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।