শালবাৰীঃ বি টি আৰৰ কাৰ্যবাহী সদস্য তথা মথনগুৰি সমষ্টিৰ এম চি এল এ গৌতম দাসৰ উদ্যোগত সমষ্টিটোৰ হাইস্কুল আৰু উচ্চতৰ মাধ্যমিক পৰীক্ষাত সুখ্যাতিৰে উত্তীৰ্ণ কৃতী ছাত্ৰ-ছাত্ৰী সকলক ৰাজহুৱাভাৱে সম্বৰ্ধনা আৰু অভিনন্দন জনোৱা হয়৷ সমষ্টিটোৰ প্ৰায় আঢ়ৈ শতাধিক কৃতিমানক সম্বৰ্ধনা প্ৰদান কৰি কাৰ্যবাহী সদস্য গৌতম দাসে ছাত্ৰ-ছাত্ৰীসকলক কৰ্মক্ষেত্ৰত তেওঁলোকে যিয়েই নহওক তেওঁলোকক প্ৰথমতে মানুহ হ’বলৈ আহ্বান জনায়৷
উক্ত সম্বৰ্ধনা সভাতে কৃতী ছাত্ৰ-ছাত্ৰীসকলক কেৰিয়াৰ কাউঞ্চেলিঙৰ জৰিয়তে ছাত্ৰ-ছাত্ৰীসকলে কি বিষয়ত পঢ়া-শুনা কৰি নিজকে প্ৰতিষ্ঠিত কৰিব পাৰে সেই সম্পৰ্কেও অবগত কৰা হয়৷ সম্বৰ্ধনা সভাখনত বি টি আৰৰ ভিচিডিচিৰ অধ্যক্ষ আৰু উপাধ্যক্ষসকলেও অংশগ্ৰহণ কৰে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।