ৰঙিয়াঃ ৰঙিয়াৰ ২ নং ডোৱকত উদ্ধাৰ দুস্প্ৰাপ্য কেটেলা পহু। টেটেলা পহু চাবলৈ ডোৱক অঞ্চলত উপস্থিত হ'ল অগণন লোক। ৰাইজে খবৰ দিলে ৰঙিয়া বন বিভাগক। কিন্তু ৰঙিয়া বন বিভাগৰ পৰা নাপালে কোনো সহাঁৰি। সময় পাৰ হোৱাৰ লগে লগে কেটেলা পহু চাবলৈ সহস্ৰাধিক লোক উপস্থিত হ'ল। একাংশই কেটেলা পহুটোক ধৰিবলৈ চেষ্টা কৰিলে। মানুহৰ ভিৰ দেখি আতংকিত হল কেটেলা পহু। প্ৰাণৰ মমতাত কেটেলা পহুটোৱে জপিয়ালে এটা পুখুৰীত। পুখুৰীটোত দুজন লোকে বহু চেষ্টা কৰি অৱশেষত কেটেলা পহুটোক ধৰিলে যদিও কেটেলা পহুটোৰ আক্ৰমণত গুৰুতৰভাৱে আহত হ'ল দুজন লোক। আহত লোক দুজন হৈছে লক্ষী বণিয়া আৰু জগদীশ বণিয়া। স্থানীয় ৰাইজে দুয়োজনকে ততাতৈয়াকৈ ভৰ্তি কৰালে চিকিৎসালয়ত। পিছত ঘটনাস্থলীত হাজোৰ বন বিভাগ উপস্থিত হয়। ৰাইজে কেটেলা পহুটোক বন বিভাগক চমজাই দিয়ে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।