জামুগুৰিহাটঃ জামুগুৰিহাটৰ জয়সিদ্ধি নিবাসী প্ৰকাশ কৈৰালাৰ বাসগৃহত তিনিদিনীয়া বিস্তৃত কাৰ্যসূচীৰে উদযাপন কৰা শ্ৰীমদ ভাগৱত পাঠ অনুষ্ঠানৰ মঙলবাৰে সন্ধিয়া আকৰ্ষণীয় এক লাখ বন্তি প্ৰজ্বলন অনুষ্ঠান সম্পন্ন হয়। বৈকুণ্ঠ নগৰীলৈ পৰিণত হোৱা জামুগুৰিহাটৰ জয়সিদ্ধিত হেজাৰ হেজাৰ ভক্তই অংশগ্ৰহণ কৰি বন্তি প্ৰজ্বলন অনুষ্ঠান এক মাংগলিক নিয়মৰে উলহ-মালহৰে পালন কৰা দেখা যায়। অঞ্চলটোৰ ৰাইজৰ সহযোগত পূৰ্বপুৰুষৰ আত্মাৰ সদগতিৰ লগতে গুৰুজনাৰ আদৰ্শৰে বৈষ্ণৱ ধৰ্মৰ প্ৰচাৰৰ বাবে তিনিদিনিয়াকৈ অনুষ্ঠিত ভাগৱত পাঠ অনুষ্ঠনত ভাগৱত পাঠৰ ব্যাখ্যা কৰে নগাঁও চুলুং নিবাসী প্ৰবচক গুৰুজী আচাৰ্য্য দীপ বশিষ্ঠই।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।