ঢকুৱাখনাঃ ঢকুৱাখনা জিলা ক্ৰীড়া সন্থাৰ উদ্যোগত আৰু ঘিলামৰা ক্ৰীড়া সন্থা তথা ঢকুৱাখনা আৰু ঘিলামৰাৰ ৰাইজৰ সহযোগত যোৱা ১৭ ডিচেম্বৰৰ পৰা চলি থকা ২৪ সংখ্যক জে. এচ. বি. সোঁৱৰণী আন্তঃক্লাব ফুটবল প্ৰতিযোগিতাৰ আজি দ্বিতীয়খন চেমি ফাইনেল খেল অনুষ্ঠিত হয় বোকাখাট আৰু ডিব্ৰুগড় ৱেক আপ বয়জ ক্লাবৰ মাজত। বোকাখাট আৰু ডিব্ৰুগড় ৱেক আপ বয়জ ক্লাবৰ মাজত অনুষ্ঠিত হোৱা চেমি ফাইনেল খেলত পলাণ্টিকত ডিব্ৰুগড় ৱেক আপ বয়জ ক্লাব এক গলত জয় হয়। ঘিলামৰা উচ্চতৰ মাধ্যমিক বিদ্যালয় খেলপথাৰত অনুষ্ঠিত হোৱা খেলৰ আৰম্ভনিতে স্থানীয় কেইবাগৰাকী বয়োজ্যেষ্ঠ ব্যক্তিক গামোচাৰে সম্বৰ্ধনা জনোৱা হয়। নক আউট পদ্ধতিৰে অনুষ্ঠিত হোৱা প্ৰতিযোগিতা খনত ৰাজ্যৰ আগশাৰীৰ মুঠ ২০ টা আগশাৰীৰ ফুটবল ক্লাবে অংশগ্ৰহণ কৰিছিল। কাইলৈ ফাইনেল খেল খন ডিব্ৰুগড় ৱেক আপ বয়জ ক্লাব আৰু চিৰাং দলৰ মাজত অনুষ্ঠিত হব। খেলখনত উপস্থিত থাকিব লখিমপুৰ জিলা বহু গণ্যমান্য লোক।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।