গৌৰীপুৰঃ বিটিআৰৰ কোকৰাঝাৰ জিলাৰ পৰ্বতঝোৰা মহকুমাৰ বাশবাৰী উচ্চতৰ মাধ্যমিক বিদ্যালয়ৰ সন্মুখত আজি এখন ছাত্ৰাৱাসৰ আধাৰশিলা স্থাপন কৰি শিক্ষামন্ত্ৰী ৰণোজ পেগুৱে।
আজি গুৱাহাটীৰ পৰা বিমান যোগে ৰূপছী বিমানবন্দৰত অৱতাৰণ কৰি বিশাল কনভয়ৰে পোনে পোনে বাশবাৰীত উপস্থিত হয় মন্ত্ৰী গৰাকী। ইয়াৰ লগত সংগতি ৰাখি আয়োজিত এখন ৰাজহুৱা সভাত অংশগ্ৰহণ কৰে মন্ত্ৰী গৰাকীয়ে। আজিৰ সভাখনত মন্ত্ৰী গৰাকীৰ লগতে উপস্থিত থাকে স্থানীয় বিধায়ক নিজানুৰ ৰহমান, প্ৰাক্তন বিধায়ক বনেন্ৰ কুমাৰ মুছাহাৰী, পৰ্বতঝোৰা মহকুমা প্ৰশাসনৰ বিষয়ববীয়া সকল। ভাষণত পৰ্বতঝোৰাৰ বাসবাৰীত এখন চৰকাৰী গাৰ্লচ ডিগ্ৰী কলেজ আৰু এখন অতিথি শালা স্থাপনৰ প্ৰতিশ্ৰুতি দিয়ে মন্ত্ৰী পেগুৱে।
আনহাতে,বিদ্যালয় খনত এখন ছাইকেল ষ্টাণ্ড নিৰ্মাণৰ বাবে বিধায়ক পূজিৰ পৰা ৫লাখ টকা ঘোষণা কৰে বিধায়ক নিজানুৰ ৰহমানে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।