বৰপেটাঃ বৰপেটাৰ চেঙা সমষ্টিৰ দামালজাৰ প্ৰাথমিক বিদ্যালয়ৰ হীৰক জয়ন্তী মহোৎসৱৰ সাংস্কৃতিক অনুষ্ঠানত উপস্থিত মহম্মদ দানিছ। দানিছৰ সংগীতানুষ্ঠানত লোকে লোকাৰণ্য উল্লেখযোগ্য যে, ২৪ ডিচেম্বৰৰ পৰা চাৰিদিনীয়া বৰ্ণাঢ্য কাৰ্যসূচীৰে ১০৩২ নং দামালজাৰ প্ৰাথমিক বিদ্যালয়ৰ হীৰক জয়ন্তী মহোৎসৱ উদযাপন কৰা হয়। উক্ত মহোৎসৱৰ মঙলবাৰে অন্তিম কাৰ্যসূচীৰ সাংস্কৃতিক অনুষ্ঠানত মুখ্য আকৰ্ষণ হিচাপে উপস্থিত থাকে ইণ্ডিয়ন আইডল খ্যাত কণ্ঠশিল্পী মহম্মদ দানিছ। যথেষ্ট নিৰাপত্তা বেষ্টনীৰ মাজত কণ্ঠশিল্পী গৰাকীক আদৰি অনা হয় সাংস্কৃতিক সন্ধিয়াস্থলীলৈ। উদ্যোক্তাসকলে কণ্ঠশিল্পী গৰাকীক বিশেষভাৱে সম্বৰ্ধনা জনোৱা পৰিলক্ষিত হয়। সম্বৰ্ধনা অনুষ্ঠান পৰিচালনা কৰে হীৰক জয়ন্তী মহোৎসৱ উদযাপন সমিতিৰ সভাপতি তথা চেঙা সমষ্টিৰ বিধায়ক আশ্ৰাফুল ইছলামে। সম্বৰ্ধনা গ্ৰহণ কৰি উঠি এটাৰ পিছত এটা জনপ্ৰিয় গীতেৰে উপস্থিত দৰ্শকক মোহাচ্ছন্ন কৰি তোলে মোহাম্মদ দানিছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।