মাৰ্ঘেৰিটাঃ আজি তিনিচুকীয়া জিলাৰ মাৰ্ঘেৰিটাৰ লোকপ্ৰিয় গোপীনাথ শৰণাৰ্থী মধ্য ইংৰাজী বিদ্যালয়ত ইকো এণ্ড ইউথ ক্লাব মাৰ্ঘেৰিটাৰ উদ্যোগত বিজ্ঞান আৰু গণিত প্ৰদৰ্শনী অনুষ্ঠানৰ আয়োজন কৰা হয়। এই প্ৰদৰ্শনীৰ মুখ্য উদ্দেশ্যে হৈছে ছাত্ৰ-ছাত্ৰীসকলৰ মাজত আধুনিক প্ৰযুক্তিৰ বিষয়ে সজাগতা অনা। এই প্ৰদৰ্শনীত A'R & T Co. হাইস্কুল মাৰ্ঘেৰিটা, গান্ধী বিদ্যা মন্দিৰ হাইস্কুল মাৰ্ঘেৰিটা আৰু আদৰ্শ বিদ্যা মন্দিৰ মধ্য ইংৰাজী বিদ্যালয় এই তিনিখন বিদ্যালয়ৰ পৰা মুঠ ৩৪ গৰাকী ছাত্ৰ-ছাত্ৰীয়ে অংশগ্ৰহণ কৰি অতি ধুনীয়াকৈ প্ৰদৰ্শনীৰ বস্তু তৈয়াৰী কৰে। বিজ্ঞান আৰু গণিত প্ৰদৰ্শনীত আদৰ্শ বিদ্যা মন্দিৰ মধ্য ইংৰাজী বিদ্যালয় মাৰ্ঘেৰিটাৰ ৰাহী মোডী আৰু দেব্ৰজ শৰ্মাই প্ৰথম স্থান, লোকপ্ৰিয় গোপীনাথৰ শৰণাৰ্থী মধ্য ইংৰাজী বিদ্যালয় মাৰ্ঘেৰিটাৰ শিলা মুণ্ডা দ্বিতীয় স্থান আৰু লোকপ্ৰিয় গোপীনাথ শৰণাৰ্থী মধ্য ইংৰাজী বিদ্যালয়ৰ ঋতুমনি তাঁতিয়ে তৃতীয় স্থান লাভ কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।