ৰঙিয়া আৰক্ষীয়ে যোৱানিশা ৰঙিয়া ষ্টেচনৰ ২ নং ওৱাৰ্ডৰ লগতে ৰঙিয়া বালাগাঁৱত অভিযান চলাই বৃহৎ পৰিমাণৰ ড্ৰাগছ জব্দ কৰিবলৈ সক্ষম হয়। এক গোপন সুত্ৰৰ আধাৰত ৰঙিয়া আৰক্ষীৰ ভাৰপ্ৰাপ্ত আৰক্ষী বিষয়া ভাস্কৰ মল্ল পাটোৱাৰীৰ নেতৃত্বত যোৱা আৰক্ষীৰ দল এটাই প্ৰথমে ষ্টেচনৰ ২ নং ওৱাৰ্ডৰ আয়েজ আলী নামৰ এজন ব্যক্তিৰ ঘৰত অভিযান চলাই। অভিযানত আৰক্ষীয়ে ব্যক্তিজনৰ ঘৰৰ পৰা সাতটাকৈ চাবোনৰ বক্সৰ লগতে ৯৩ গ্ৰাম ড্ৰাগছ নগদ ২৬ হেজাৰ টকা জব্দ কৰিবলৈ সক্ষম হয় । আৰক্ষীয়ে আয়েজ আলী নামৰ ব্যক্তিজনক আটক কৰাৰ পিচত ধৃত ব্যক্তিজনৰ স্বীকাৰুক্তিৰ ভিত্তিত ৰঙিয়া বালাগাঁৱৰ জোৱায়েক জিয়াউল হ'কৰ ঘৰত তালাচী চলোৱাৰ লগতে ইছলামুদ্দিন আহমেদ ওৰফে পিংকু নামৰ যুৱক এজনৰ ঘৰত তালাচী চলাই ৬৩ টা খালি কন্টেনাৰৰ লগতে ৩৫ গ্ৰাম ড্ৰাগছসহ জব্দ কৰিবলৈ সক্ষম হয়। ৰঙিয়া আৰক্ষীয়ে ইতিমধ্যে আয়েজ আলীৰ লগতে জিয়াউল হ'ক আৰু ইছলামুদ্দিন আহমেদক আটক কৰি সোধপোচ অব্যহত ৰাখিছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।