জামুগুৰিহাটঃ চতিয়া সমষ্টিৰ অন্তৰ্গত জামুগুৰিহাটৰ ১ নং ইটাখোলা প্ৰাথমিক বিদ্যালয়ত আজি পুৱাৰে পৰা আৰোগ্য হেলথ মিছনৰ উদ্যোগত ই,আৰ চি,আই,হাস্পতালৰ সৌজন্যত আৰু সদৌ অসম জাতীয়তাবাদী যুৱ সন্মিলন আৰু নদুৱাৰ প্ৰেছ ক্লাৱৰ সহযোগত বিনামূলীয়া প্ৰাথমিক চকু পৰীক্ষা শিবিৰ অনুষ্ঠিত হয়। উক্ত চকু পৰীক্ষা শিবিৰটোৰ ৰঙা ফিটা কাটি শুভ উদ্বোধন কৰে চতিয়া আঞ্চলিক পঞ্চায়তৰ সভাপতি লক্ষীকান্ত বৰাই।
শিবিৰটি শুভ উদ্বোধন কৰি আঞ্চলিক পঞ্চায়তৰ সভাপতি গৰাকীয়ে কয় যে- ইটাখোলাৰ দৰে পিছপৰা অঞ্চলটিত সদৌ অসম জাতীয়তাবাদী যুৱ সন্মিলন আৰু নদুৱাৰ প্ৰেছ ক্লাৱৰ সহযোগত বিনামূলীয়া প্ৰাথমিক চকু পৰীক্ষা শিবিৰৰ আয়োজন কৰি দৰিদ্ৰ লোকসকলৰ চকু পৰীক্ষাৰ ব্যৱস্থা কৰাটো এক মহৎ কাৰ্য্য। সংগঠন দুটাৰ এনে মহান পদক্ষেপৰ জৰিয়তে উত্তৰ অঞ্চলৰ বিভিন্ন প্ৰান্তৰ দৰিদ্ৰ লোকসকল অধিক উপকৃত হ’ব বুলি মই আশাবাদী।
উক্ত অনুষ্ঠানত বিদ্যালয়খনৰ প্ৰধান শিক্ষক ভাৰত দাস, সদৌ অসম জাতীয়তাবাদী যুৱ সন্মিলনৰ কেন্দ্ৰীয় সাধাৰণ সম্পাদক অনিল বৰা, বিশ্বনাথ জিলা সমিতিৰ কাৰ্যকৰী সভাপতি কৰুণ বৰা, আৰোগ্য হেলথ মিছনৰ স্বতাধিকাৰ প্ৰণৱ জ্যোতি বৰা, সংগ্ৰামী যুৱ ছাত্ৰ পৰিষদ অসমৰ জিলা উপ সভাপতি পাপলু হুছেইন, নদুৱাৰ প্ৰেছ ক্লাৱৰ সদস্য, দুৰ্গা পৌড়েল, চন্দন শৰ্মা, প্ৰেম তিৱাৰীৰ লগতে বহুকেইজন গন্যমান্য ব্যক্তি উপস্থিত থাকে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।