বাহাৰঘাটঃ অসমৰ কৰ্মৰত সাংবাদিক আৰু সংবাদ কৰ্মীসকলৰ নায্য প্ৰাপ্তিৰ হকে বলিষ্ঠ পদক্ষেপ গ্ৰহণ কৰি অহা অসম বাৰ্তাজীৱী সংঘৰ অন্তৰ্গত নলবাৰী জিলা বাৰ্তাজীৱী সংঘৰ উদ্যোগত শনিবাৰে "নতুন বছৰত নতুন চিন্তা" শীৰ্ষক এক অনুষ্ঠান সম্পন্ন হয়। নলবাৰী জিলাৰ জাগাৰাৰ সমিপৰ গংগা-যমুনা ৰিজোৰ্টত অনুষ্ঠিত উক্ত অনুষ্ঠানত অসমৰ জনপ্ৰিয় কন্ঠশিল্পী অনুপম শইকীয়াই অংশ লৈ কেইবাটাও সংগীত পৰিৱেশন কৰি সকলোকে আমোদ দিয়ে। নলবাৰী জিলা বাৰ্তাজীৱী সংঘৰ সম্পাদক ৰূপ কুমাৰ শৰ্মা আৰু উপ-সভাপতি পংকজ কুমাৰ লহকৰে আত ধৰা উক্ত অনুষ্ঠানত গুৱাহাটী প্ৰাগজ্যোতিষ মহাবিদ্যালয়ৰ অধ্যক্ষ ড: মনোজ কুমাৰ মহন্ত, সদৌ নলবাৰী জিলা ছাত্ৰ সন্থাৰ সভাপতি গুণজ্যোতি পাঠক, বৰক্ষেত্ৰীৰ যুৱ নেতা শান্তনু কলিতা, গংগা-যমুনা ৰিজোৰ্টৰ স্বত্বাধিকাৰী ভূপেন তালুকদাৰ আদি কেইবাজনেও অংশ লয়।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।