কোকৰাঝাৰ জিলাৰ অধিন দোতমা ৰাজহ চক্ৰৰ অন্তৰ্গত থকা সাংবাদিক আৰু সংবাদকৰ্মীৰ উমৈহতীয়া সংগঠন দোতমা প্ৰেছ ক্লাৱ আৰু কোকৰাঝাৰ জিলা জাফাই অইন অইন বছৰৰ দৰে এইবেলিও সম্বৰ্ধনা অনুষ্ঠান অনুষ্ঠিত কৰে। উক্ত সম্বৰ্ধনা অনুষ্ঠানটিত ২০২২ বৰ্ষত সমাজত অৰিহণা যোগোৱা বিশেষ ব্যক্তিসকলক ফুলাম গামোচা, মানপত্র আৰু এজোপা গছপুলিৰে সম্বৰ্ধনা জনোৱা হয়। উক্ত অনুষ্ঠানৰ কাৰ্যসূচী অনুসৰি ৰাতিপুৱা পতাকা উত্তোলন কৰে দোতমা প্ৰেছ ক্লাৱৰ সভাপতি কৃষ্ণ বৰ্মনে। চিথিলা সমূহীয়া ভৱনত বৰ্ণাঢ্য কাৰ্যসূচীৰে ৮ জানুৱাৰীত অনুষ্ঠিত হোৱা ২০২২-২৩ বৰ্ষৰ বাৰ্ষিক সম্বৰ্ধনা অনুষ্ঠানত বিশিষ্ট সাংবাদিক হিচাপে মলয়া ডেকা(কোকৰাঝাৰ),সূৰজ বসুমুতাৰী(কোকৰাঝাৰ),লীনা গগৈ(গুৱাহাটী),যুৱ সাংবাদিক হিচাপে গোপাল চন্দ্ৰ ৰায়(গোসাইগাওঁ),পংকজ ডেকা(ক্ষেত্ৰী,কামৰূপ),গ্ৰাম্য সাংবাদিক হিচাপে চাহু মূৰ্মু,(দোবৰাগাওঁ,কোকৰাঝাৰ),বিশিষ্ট শিক্ষক হিচাপে ৰঞ্জিত কুমাৰ ৰায়(ভূমকী,কোকৰাঝাৰ),নিৰঞ্জন দেৱনাথ(ফকিৰাগ্ৰাম),বিশিষ্ট চিকিৎসক হিচাপে ডাক্টৰ মাণিক বৰুৱা(ফকিৰাগ্ৰাম),বিশিষ্ট শিল্পী/সাহিত্যক হিচাপে জনৰঞ্জন বৰ্মন(চিদলী,চিৰাং),বিশিষ্ট সমাজ সেৱক হিচাপে শ্বেখ ছেলিম পাটগিৰি(বৰুৱাপাৰা,কোকৰাঝাৰ),গোপাল ঘোষ(ফকিৰাগ্ৰাম), অমৰ সিং ব্ৰহ্ম(দোতমা),ৰাহুলজিৎ ৰায়(কালিপুখুৰী),সুকুমাৰ দেৱনাথ(চিথিলা),বিশিষ্ট আৰক্ষী বিষয়া হিচাপে নিখিল ৰায়(চাপৰ,ধুবুৰী), বিশিষ্ট সংগীত শিল্পী হিচাপে ৰশ্মীন বসুমতাৰী(ভাওঁৰাগুৰী),ৰহিন্দ্ৰ ব্ৰহ্ম(দোতমা),বিশেষ কৰ্তব্যপৰায়ন ধাত্ৰী(নাৰ্চ) হিচাপে ৰেৱতী মুছাহাৰী(দোতমা) ক সম্বৰ্ধনা জ্ঞাপন কৰা হয়। সভাখনৰ উদ্দেশ্য ব্যাখ্যা কৰে দোতমা প্ৰেছ ক্লাৱৰ উপ সভাপতি ভীষ্ম সৰকাৰে। উক্ত অনুষ্ঠানত বিশিষ্ট অতিথি হিচাপে উপস্থিত থাকে কোকৰাঝাৰ জিলা আচনি বিষয়া জাহাঙ্গীৰ হুছেইন, আন্তৰাষ্ট্ৰীয় মানৱ অধিকাৰ সংস্থাৰ সদস্য কৃষ্ণ কান্ত দাস, যমুনামূখ মহাবিদ্যালয়ৰ প্ৰবক্তা ডঃ ৰেজাউল কৰিম সৰকাৰ, জাফাৰ কেন্দ্রীয় সমিতিৰ সভাপতি অভিদ্বীপ চৌধুৰী,সম্পাদক প্ৰধান কুঞ্জমোহন ৰায়, দোতমাৰ চিকিৎক ডঃ বলোৰাম বৰ্মন,কণ্ঠশিল্পী ডিজেল্ভ কোচ আদিয়ে। উক্ত সম্বৰ্ধনা অনুষ্ঠানত আমন্ত্রিত অতিথি হিচাপে উপস্থিত থাকে চিথিলা উচ্চ মাধ্যমিক বিদ্যালয়ৰ প্ৰধান শিক্ষক বিষ্ণুপদ শীল শৰ্মা, সদৌ অসম বেংগলী যুৱ ছাত্র ফেডাৰেচনৰ কোকৰাঝাৰ জিলাৰ সভাপতি ইন্দ্ৰজীৎ দেবনাথ,ছাৰেণ্ডাৰ কেএলও এছোছিএচনৰ সভাপতি কনকেশ্বৰ ৰায়ৰ লগতে অইন অইন বিশিষ্ট ব্যক্তিসকল আৰু দোতমা প্ৰেছ ক্লাৱৰ সহ সাধাৰণ সম্পাদক ধনকেশ বৰ্মন, প্ৰচাৰ সম্পাদক বিনঞ্জয় নাৰ্জাৰী,সাধাৰণ সম্পাদক জনক ৰায় আদিয়ে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।