নগৰবেৰাঃ নগৰবেৰাৰ মালচা সত্ৰৰ প্ৰধান মণিকুটৰ তলা ভাঙি চোৰে নিলে প্ৰণামীৰ টকাৰ উপৰি ৫ টা সোণৰ ফুলি, ৭ টা ৰূপৰ ফুলি, দুযোৰ তাল, ১০ খনকৈ গামোচা আৰু পিতলৰ ডাঙৰ ভোগ শৰাই এখন৷ বৃহস্পতিবাৰৰ পুৱা বন্তি জ্বলাবলৈ সত্ৰত উপস্থিত এজনে প্ৰত্যক্ষ কৰে এই কাণ্ড আৰু খবৰ দিয়ে গাঁৱবাসীক৷ সত্ৰধামত চুৰিকাণ্ডক লৈ মালঞ্চা গাঁৱৰ উপৰি অঞ্চলজুৰি তীব্ৰ চাঞ্চল্য বিয়পে, স্মৰ্তৱ্য যে ইয়াৰ পূৰ্বেও দুবাৰকৈ সত্ৰখনত চুৰি হোৱাৰ উল্লেখ৷ ঘটনা সন্দৰ্ভত আৰক্ষীক যোগাযোগৰ পাছত নগৰবেৰা আৰক্ষী থানাৰ অ’চি মিৰেল আহমেদৰ লগতে এদল আৰক্ষী মালচা সত্ৰত উপস্থিত হৈ তদন্ত আৰম্ভ কৰিছে৷ ধৰ্মীয় অনুষ্ঠান-প্ৰতিষ্ঠানত চোৰৰ এই তাণ্ডৱ দেখি সকলো শংকিত হৈ পৰিছে, আৰক্ষীক আগলৈ অধিক সক্ৰিয় হোৱাৰ আহ্বান অঞ্চলবাসী ৰাইজৰ৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।