খাৰুপেটীয়াঃ ওৰাং ৰাষ্ট্ৰীয় উদ্যানৰ সমীপত দলগাঁৱৰ শিলবৰীৰ কৌপাটিত তিনিদিনীয়া কাৰ্য্যসূচীৰে অনুষ্ঠিত হ’ব ওৰাং মহোৎসৱ৷ সেই উপলক্ষে দৰং জিলা প্ৰশাসনৰ কেইবাটাও বিভাগৰ উচ্চ পৰ্যায়ৰ এটি দলে পৰিদৰ্শন কৰিলে ঠাই। ওৰাং ৰাষ্ট্ৰীয় উদ্যানৰ জৈৱ বৈচিত্ৰ, অসমৰ বিভিন্ন জনগোষ্ঠীৰ ক'লা সংস্কৃতি, পৰাম্পৰাগত খাদ্য, সাজপাৰ, ৰাষ্ট্ৰীয় উদ্যানখনক পৰ্যটনমুখী কৰি তুলা আদি উদ্দেশ্য আগত ৰাখি শিলবৰী ক্ৰীড়া সন্থাৰ উদ্যোগত, বৰঝাৰ, শিলবৰী, কৌপাটী, দলগাঁও ,বৰছলা, ওৰাংবাসী ৰাইজৰ সহযোগত পোন প্ৰথমবাৰৰ বাবে ওৰাং মহোৎসৱৰ বাবে ব্যাপক প্ৰস্ততি লৈছে৷ প্ৰথম দিনা ১২ ফেব্ৰুৱাৰীত মুখ্য অতিথি হিচাবে ওৰাং মহোৎসৱৰ অংশ গ্ৰহণ কৰিব মুখ্যমন্ত্ৰী ড০ হিমন্ত বিশ্ব শৰ্মাৰ লগতে আন আন মন্ত্ৰী, সাংসদ আৰু বিধায়কসকল৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।