বাহাৰঘাটঃ নলবাৰী জিলাৰ ঘগ্ৰাপাৰ আৰক্ষী থানাৰ অন্তৰ্গত চতমা নৱ-যুৱক সংঘৰ সোণালী জয়ন্তী বৰ্ষৰ লগত সংগতি ৰাখি আজি অসম আয়ুৰ্বেদিক প্ৰডাক্টৰ উদ্যোগত আৰু অসম চৰকাৰৰ সহযোগত সংঘৰ সভাঘৰত এটি বিনামূলীয়া চিকিৎসা শিবিৰ অনুষ্ঠিত হয়৷ তদুপলক্ষে শিবিৰ উদ্বোধনী অনুষ্ঠানত সভাপতিত্ব কৰে সোনালী জয়ন্তী বৰ্ষ উদযাপন সমিতিৰ সভাপতি ড০ জগদীশ গোস্বামীয়ে৷ শিবিৰ উদ্বোধন কৰে অঞ্চলটোৰ জ্যেষ্ঠ চিকিৎসক ডা০ অৰুন চন্দ্ৰ শৰ্মাই৷
উদ্বোধনী অনুষ্ঠানটোৰ আঁতধৰে সোণালী জয়ন্তী উদযাপন সমিতিৰ সম্পাদক দীপক শৰ্মাই৷ উক্ত অনুষ্ঠানত শিবিৰত অংশগ্ৰহণ কৰা চিকিৎসক তথা কৰ্মচাৰীসকলক গামোছাৰে আদৰণি জনাই৷ শিবিৰত ডা০ হীৰেন্দ্ৰনাথ শৰ্মা, সানেকুছি ৰাজ্যিক চিকিৎসালয়ৰ চিকিৎসা বিষয়া ডা০ হেমেন কুমাৰ শৰ্মা, অসম আয়ুৰ্বেদিক প্ৰডাক্টৰ ডা০ অক্ষেন্দ্ৰ গোস্বামী, ডা০ মানস জ্যোতি শৰ্মা, ফাৰ্মাচিষ্ট হিমানী শৰ্মা, বৰনামখালা স্বাস্থ্য কল্যান কেন্দ্ৰৰ চি এইচ অ নয়নজ্যোতি শৰ্মা, এম পি ডাব্লিউ হীতেশ কলিতা আৰু এ এন এম মীৰা দাসে চিকিৎসা প্ৰদান কৰে৷ শিবিৰত দুই শতাধিক পুৰুষ-মহিলাই চিকিৎসা সেৱা গ্ৰহণ কৰে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।