জামুগুৰিহাটঃ শোণিতপুৰ জিলাৰ জামুগুৰিহাটৰ বাকোলা খেলপথাৰত অঞ্চলটোৰ বিশিষ্ট সমাজকৰ্মী প্ৰয়াত মফিজুদ্দিন আহমেদৰ সোঁৱৰণত বাকোলা ক্ৰিকেট ক্লাৱৰ উদ্যোগত আয়োজিত চলন্ত ট্ৰফী ও প্রাইজমানি দিবা-নৈশ ক্রিকেট খেল প্রতিযোগিতাৰ শনিবাৰে নিশা ফাইনেল খেল আৰু বঁটা বিতৰণি অনুষ্ঠান সম্পন্ন হয়। জামুগুৰিহাটৰ বাকোলা খেল পথাৰত তিনিদিনীয়াকৈ অনুষ্ঠিত হোৱা প্ৰতিযোগিতাখনিত ৰাজ্যৰ বিভিন্ন প্ৰান্তৰ আগশাৰীৰ ক্ৰিকেট দল সমুহৰ মুঠ ৫০ টা দলে যোগদান কৰে। বাকোলা ক্ৰিকেট ক্লাৱৰ উদ্যোগত আয়োজন কৰা দিবা-নৈশ ক্ৰিকেট খেল প্ৰতিযোগীতাৰ ফাইনেল খেল আৰু বঁটা বিতৰণি অনুষ্ঠানৰ মুখ্য অতিথি হিচাবে অংশগ্ৰহণ কৰি বঁটা সমুহ বিতৰণ কৰে ভৰলী কোঁৱৰ উপাধিৰে বিভূষিত চতিয়া সমষ্টিৰ বিধায়ক পদ্ম হাজৰিকাই। মফিজুদ্দিন আহমেদ সোঁৱৰণি দিবা-নৈশ ক্ৰিকেট খেল প্ৰতিযোগীতা খনিৰ চুড়ান্ত খেলত বিজয়ী আৰু বিজেতা দলক আকৰ্শণীয় ট্ৰফীৰ উপৰিও বিজয়ী দলক নগদ ৫০(পঞ্চাশ) হেজাৰ টকা আৰু বিজেতা দলক নগদ ২০ (বিশ) হেজাৰ টকাৰে পুৰস্কৃত কৰা হয়৷ লগতে মেন অৱ দ্যা মেটচ,বেষ্ট ৰানাৰ,বেষ্ট বলাৰ আৰু সৃংখলাবদ্ধ টিমৰ বঁটা সমুহো প্ৰদান কৰা হয়৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।