জামুগুৰিহাটঃ জামুগুৰিহাটৰ ২নং গড়পালত সদৌ অসম গোৰ্খা সন্মিলনৰ কেন্দ্ৰীয় প্ৰতিষ্ঠা উদযাপনৰ আয়োজন চলিছে৷ এই উপলক্ষে আজি অনুষ্ঠিত এখন বিশাল ৰাজহুৱা সভাত ৫১ জনীয়া শক্তিশালী অভ্যৰ্থনা সমিতি গঠন কৰা হয়। ২নং গড়পালৰ গোৰ্খা ভৱনত অনুষ্ঠিত ৰজহুৱা সভাৰ সভাপতিৰ আসন অলংকৃত কৰে বিশিষ্ট সমাজ সেৱক তথা অৱসৰী অধ্যক্ষ দল মোহন ছেত্ৰীয়ে।
ভাৰতীয় গোৰ্খা লীগৰ প্ৰতিষ্ঠাপক সভাপতি প্ৰয়াত বাবু ডম্বৰ সিং গুৰুং আৰু নেতাজী সুভাষচন্দ্ৰ বসুৰ প্ৰতিচ্ছবিত পুষ্পাঞ্জলী অৰ্পণৰে শুভাৰম্ভ হোৱা আজিৰ এই অনুষ্ঠানত অসম গোৰ্খা সন্মিলনৰ কেন্দ্ৰীয় উপ সভাপতি মোহন চেত্ৰী,মুল সচিব জগদীশ খনাল,দিপক গজুৰেল, সদস্য ৰাজেশ খাপাংগী, বিশ্বনাথ জিলা সমিতিৰ সভাপতি মাধৱ শৰ্মা, সচিব শান্তিৰাম কাৰ্কী, শোণিতপুৰ জিলা সমিতিৰ সভাপতি গকুল বচনেত, সচিব ভূৱন শৰ্মা, কাৰ্যকৰী সভাপতি দধিৰাম সুবেদী,সদৌ অসম গোৰ্খা ছাত্ৰ সন্থাৰ কেন্দ্ৰীয় উপ সভাপতি দিলীপ গজুৰেল, বিশ্বনাথ জিলাৰ সম্পাদক প্ৰকাশ খনাল,অসম নেপালী সাহিত্য সভাৰ সম্পাদক মদন থাপাৰ লগতে বহু কেইগৰাকী বিষয় ববীয়া ও বিশিষ্ট ব্যক্তিয়ে অংশগ্ৰহণ কৰে।
অসম গোৰ্খা সন্মিলনৰ বিশ্বনাথ জিলা সমিতিৰ সম্পাদক শান্তিৰাম কাৰ্কীয়ে আত ধৰা সভাই আগন্তুক প্ৰতিষ্ঠা দিৱস উদযাপনৰ অৰ্থে বিভিন্নজন ব্যক্তিৰ পৰা মতামত গ্ৰহণ কৰি আগুন্তুক ৮, ৯, আৰু ১০ এপ্ৰিলত তিনিদিনীয়া বৰ্ণাঢ্য কাৰ্যসূচীৰে সন্মিলনৰ প্ৰতিষ্ঠা দিৱস উদযাপনৰ সিদ্ধান্ত গ্ৰহন কৰে৷ ৰাজহুৱা সভাই এই উদ্দেশ্যে বিশিষ্ট সমাজ সেবক তথা অৱসৰ প্ৰাপ্ত অধ্যক্ষ দল মোহন ছেত্ৰীক সভাপতি, ললিত চুব্বাক কাৰ্যকৰী সভাপতি আৰু শিৱ বচনেটক সম্পাদক হিচাবে লৈ ৫১ জনীয়া শক্তিশালী অভ্যৰ্থনা সমিতি খন গঠন কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।