ফুটুকাৰ ফেন সবকা সাথ সবকা বিকাশঃ বিজনীত বাঁহৰ ভগা দলঙেৰে বিপদশংকুল যাতায়ত আঢ়ৈশ ছাত্র-ছাত্ৰীৰ

বিজনীঃ ক'ত এই ভগা দলং? ক'ত আছে উন্নয়নে ঢুকি নোপোৱা এই গাওঁ? বাঁহৰ ভগা দলঙেৰে বিপদ শংকুল ভাবে যাতায়ত কৰিব লগা হৈছে ছাত্ৰ-ছাত্ৰী, শিক্ষক-শিক্ষয়িত্ৰী আৰু স্থানীয় লোক৷ এই দুৰাৱস্থা বঙাইগাঁও জিলাৰ বিজনী মহকুমাৰ অন্তৰ্গত জামদহা জাৰাগুৰী অঞ্চলৰ।

জাৰাগুৰী মহত্মা এম.ভি স্কুলৰ ২৩০ জনৰো অধিক ছাত্ৰ-ছাত্ৰী এই বাঁহৰ দলঙেৰে পাৰ হয় লগতে ৯ জন শিক্ষক-শিক্ষয়ত্ৰী।

তেওঁলোকে লৈ যোৱা বাহনসমূহ দলঙৰ পাৰত ৰাখি খোজকাঢ়ি বাঁহৰ দলং পাৰ হৈ বিদ্যালয়খনত উপস্থিত হয়। ভগা দলঙখনৰ পৰা ছাত্র-ছাত্ৰী বহুবাৰ পৰি আহত হ’বলগা হৈছে।

দলংখন পকীকৰণ কৰাৰ বাবে গড়কাপ্তানী বিভাগৰ বিষয়া অভিযন্তাক কেবাবাৰো অভিযোগ দিয়াৰ পিছতো কানসাৰ নাই চৰকাৰ অথবা বিভাগীয় কৰ্তৃপক্ষৰ। উন্নয়নৰ নামত কৰিছে কি চৰকাৰ পক্ষই? চকু পৰিবনে বিভাগীয় কৰ্তৃপক্ষৰ।