বিজনীত আন্তৰাষ্টীয় যোগ দিৱস উৎযাপন

বিজনী: চিৰাং জিলাৰ বিজনীত বিজনী মহকুমা প্ৰশাসন আৰু চিৰাং জিলাৰ পতঞ্জলী যোগ সমিতিৰ উদ্যোগত বিজনী মহকুমাধিপতি কাৰ্যালয়ৰ চৌহদত শুক্ৰবাৰে পুৱা ৫.৩০ বজাৰ পৰা অনুষ্ঠিত হয় যোগ দিৱস। এই যোগ দিৱসত বিজনীৰ বহু সংখ্যক লোকে যোগদান কৰি প্ৰণায়াম কৰে। পুৱা ৫.৩০ বজাত বন্তি প্ৰজ্বলন আৰু সম্বৰ্ধনা অনুষ্ঠানৰ জৰিয়তে যোগ দিৱসৰ শুভাৰম্ভ কৰা হয়। বন্তি প্ৰজ্বলন কৰে মহকুমাধিপতি দিঠকানন্দ হাজৰিকাই। লগতে পুৱা ৫.৪৫ বজাত আদৰণি ভাষণ, ৬ বজাত ভোজন, ৰাতিপুৱা ৬.১০ বজাত সমূহীয়া যোগ, পুৱা ৭.৩০ বজাত প্ৰদৰ্শনীমূলক যোগ বিজনী মহকুমাধিপতি কাৰ্যালয়ৰ চৌহদত অনুষ্ঠিত কৰা হয়।

যোগ স্থানত উপস্থিত থাকে মহকুমাধিপতি দিঠকানন্দ হাজৰিকা, নিৰ্বাচনী বিষয়া লুকুমণি বৰাৰ লগতে বিজনী চহৰৰ বহু সংখ্যক লোক।