শৌলমাৰী পোকালাগী নৈত অচিনাক্ত মৃতদেহ উদ্ধাৰ

মাণিকপুৰঃ বঙাইগাঁও জিলাৰ কোকিলা আৰক্ষী চকীৰ অন্তৰ্গত শৌলমাৰী পোকালাগী নৈত এটা অচিনাক্ত মৃতদেহ উদ্ধাৰ হয়। মৃতদেহটাে নৈৰ সোঁতত ভাহি আহি নৈৰ মাজত পুতিথোৱা বাঁহনিত লাগি ধৰে।

অচিনাক্ত পুৰুষৰ মৃতদেহটোৰ পিন্ধনত গেঞ্জী আৰু গামোচা আছে। বয়স আনুমানিক ৫০ বছৰ হ’ব বুলি ধাৰণা কৰা হৈছে।

দুপৰীয়া নৈত গৰুক গা ধুৱাবলৈ গৈ এজন লোকে প্ৰত্যক্ষ কৰে মৃতদেহটাে আৰু খবৰ বিয়পি পৰাত নৈৰ পাৰত বহুলোকে প্ৰত্যক্ষ কৰিবলৈ যায় যদিও কোনেও চিনাক্ত কৰিব নোৱাৰিলে মৃত ব্যক্তিজনক।