এক ব্যতিক্ৰমী ৰূপত যুৱৰাজ সিঙৰ খলকনি

ডিজিটেল ডেস্কঃ যুৱৰাজ সিং যাৰ নামেই পৰিচয়। এসময়ত বিশ্ব ক্ৰিকেটত দপদপাই থকা যুৱৰাজ সিং যেন বিশ্বৰ সকলো ক্ৰিকেট বলাৰৰ কাৰণে বিভীষিকাৰ কাৰণ আছিল। এক দুৰাৰোগ্য ৰোগক আওকাণ কৰি কিদৰে ভাৰতক বিশ্ব চেম্পিয়ন বনাইছিল যুৱৰাজে সেয়া সকলোৰে জ্ঞাত। কিন্তু আজি যুৱৰাজ চৰ্চিত হৈছে আন এক কাৰণত৷

যুৱৰাজক দেখা পোৱা গৈছে কিছু এজাক শিশুৰ মাজত৷ কিন্তু কিয় যুৱৰাজ শিশুসকলৰ মাজত ? যুৱৰাজৰ আছে এক কোমল হৃদয় সেয়েহে যুৱৰাজ এক শিশু গৃহত ব্যস্ত শিশুসকলক আহাৰ গ্ৰহণ কৰোৱাত। নিজ হাতেৰে এটি এটিকৈ শিশুৰ মুখত তুলি দিছে আহাৰ৷ ত্ৰিশ চেকেণ্ডৰ এটি মাথো ভিডিঅ’ যি ভিডিঅ’য়ে ইতিমধ্যে ছচিয়েল মিডিয়াত খলকনিৰ সৃষ্টি কৰিছে। মানৱতাৰ নিদৰ্শন দাঙি ধৰা যুৱৰাজক সকলোৱে প্ৰশংসা কৰিছে৷