ভয়ংকৰ দুৰ্ঘটনাৰ পৰা কথমপি প্ৰাণৰক্ষা যুৱক-বৃদ্ধাৰ

নাজিৰাঃ ৰাখে হৰি মাৰে কোনে, মাৰে হৰি ৰাখে কোনে। ভয়ংকৰ দুৰ্ঘটনাৰ পৰা কথমপি প্ৰাণৰক্ষা এজন যুৱক আৰু এগৰাকী বৃদ্ধাৰ। আজি পুৱা আঠ বজাত শিৱসাগৰ জিলাৰ চুনপোৰাৰ সমীপত সংঘটিত হয় ভয়ংকৰ পথ দুৰ্ঘটনা৷ পথৰ ওপৰত বাগৰি পৰিল তীব্ৰ বেগী এখন টয়’টা এটিয়ছ গাড়ী৷

শিৱসাগৰ দিশৰ পৰা শিমলুগুৰি অভিমুখী আছিল গাড়ীখন৷ গাড়ীখনৰ যাত্ৰী এজন যুৱক আৰু এগৰাকী বৃদ্ধাৰ কথমপি প্ৰাণ ৰক্ষা পৰে। স্থানীয় লোকৰ ভাষ্য অনুসৰি গাড়ীখনৰ গতি অতি তীব্ৰ আছিল। ফলত এখন পকী দেৱালত খুন্দা মাৰি গাড়ীখন পথৰ ওপৰত এইদৰে বাগৰি পৰে। গাড়ীখনৰ নম্বৰ AS06R0252।