কৰিমগঞ্জৰ চান্দখিৰাত ভয়াৱহ পথ দুর্ঘটনাত নিহত কিশোৰসহ দুগৰাকী মহিলা

শিলচৰঃ কৰিমগঞ্জৰ চান্দখিৰাত ভয়াৱহ পথ দুর্ঘটনা। নিয়ন্ত্রণ হেৰুৱাই ৰাজপথতে বাগৰিল এখন যাত্রীবাহি বাছ। অসম ত্রিপুৰা সংযোগী ৮ নং ৰাষ্ট্রীয় ঘাইপথত সংগঠিত হৈছে এই ঘটনা। দুর্ঘটনাত থিতাতে নিহত তিনিজনকৈ লোক। আহত হৈছে বাছখনৰ সকলো যাত্রী। দুর্ঘটনাগ্রস্ত বাহনখনৰ নম্বৰ AS 10 5666।

সঙ্কটজনক অৱস্থাত কেবাজনো যাত্রীক প্রেৰণ কৰা হৈছে কৰিমগঞ্জ অসামৰিক চিকিৎসালয়ত। নিহত তিনিজনৰ এজনৰ হৈছে কটামণিৰ মাদ্ৰাছা ছাত্ৰ সাকিৰ আহমদ(১৫)। বাকী দুজনৰ পৰিচয় এতিয়াও উদ্ধাৰ হোৱা নাই। নিহতৰ মাজত আছে  আৰু দুগৰাকী মহিলা। ম’হ এটাক বচাবলৈ গৈ সংগঠিত হৈছিল দুৰ্ঘটনাটো।