নকছাৰি ভেলগুৰি চাহ বাগিচাত নাহৰফুটুকী পোৱালি উদ্ধাৰ

মৰিয়নীঃ দেবেৰাপাৰ উপ আৰক্ষী থানাৰ অন্তৰ্গত ভেলগুৰি চাহ বাগিচাত শ্ৰমিকে বাগানত কাম কৰি থকা সময়ত শনিবাৰে এটা বাঘৰ পোৱালি বাগিচাৰ মাজত দেখা পাই বন বিভাগৰ লোকক খবৰ দিয়ে৷ হোলোঙাপাৰ সংৰক্ষিত গিবন অভয়াৰণ্যৰ পৰা খাদ্যৰ সন্ধানত ওলায় আহে যদিও জনাঞ্চলৰ কাষৰীয়া অঞ্চল হোৱাৰ বাবে মানুহৰ সম্ভেদ পায় মাতৃৰ পৰা বিচ্ছিন্ন হয় বুলি বন বিভাগৰ লোকে জানিবলৈ দিয়ে৷

বন কৰ্মীয়ে বাঘ পোৱালিটো আনুমানিক ৫ মহীয়া হ’ব বুলি সন্দেহ কৰিছে৷ বন বিভাগৰ লোকে বাঘৰ পোৱালিটোক উদ্ধাৰ কৰি মৰিয়নীৰ পহু চিকিৎসালয়ত প্ৰাথমিক চিকিৎসা প্ৰদান কৰি উৰ্দ্ধতম কতৃপক্ষৰ লগত আলোচনা কৰি পুনৰ গিবনত মুকলি কৰি দিয়ে৷