কলিয়াবৰঃ কলিয়াবৰৰ তিনি শতাধিক কীৰ্তিমান শিক্ষাৰ্থীক আজি অভিনন্দন জনোৱাৰ বাবে এক অনুষ্ঠান অনুষ্ঠিত হয়। ২০১৯ বৰ্ষৰ উচ্চ মাধ্যমিক, হাইমাদ্ৰাছা আৰু উচ্চতৰ মাধ্যমিক পৰীক্ষাত কীৰ্তিত্বৰে উত্তীৰ্ণ হোৱা শিক্ষাৰ্থীক অভিনন্দন জনাই কলিয়াবৰ কেন্দ্ৰীয় ছাত্ৰ সন্থাই।
কলিয়াবৰ মহাবিদ্যালয়ত অনুষ্ঠিত বিশেষ অভিনন্দন অনুষ্ঠানত মূখ্য অতিথিৰূপে উপস্থিত থাকে ২০১৯ বৰ্ষৰ সাহিত্য অকাডেমী যুৱ বঁটাপ্ৰাপক তথা ডিব্ৰুগড় বিশ্ববিদ্যালয়ৰ অসমীয়া বিভাগৰ সহকাৰী অধ্যাপক ড° সন্দিপ পল ডেকাৰ লগতে মুখ্য বক্তাৰূপে উপস্থিত থাকে সাংবাদিক তথা গুৱাহাটী উচ্চ ন্যায়ালয়ৰ অধিবক্তা দীপক শৰ্মা।
বিগত বৰ্ষসমূহৰ দৰে এই বৰ্ষও কলিয়াবৰ কেন্দ্ৰীয় ছাত্ৰ সন্থাৰ উদ্যোগত অনুষ্ঠিত এই বিশেষ অভিনন্দন অনুষ্ঠানত কলিয়াবৰৰ বিভিন্ন বিদ্যালয় মহাবিদ্যালয়ৰ তিনি শতাধিক কীৰ্তিমান শিক্ষাৰ্থীক জনোৱা হয় এই অভিনন্দন। লগতে দৰিদ্ৰ পৰিয়ালৰ ছাত্ৰ-ছাত্ৰীসকলক কলিয়াবৰ কেন্দ্ৰীয় ছাত্ৰ সন্থাৰ বিশেষ বুক বেংকৰ জৰিয়তে একো একোটা কিতাপৰ টোপোলাৰে সহায়ৰ হাত আগবঢ়ায়।
