সাংবাদিকক আক্ৰমণ কৰা অভিযুক্তক গ্ৰেপ্তাৰ

মাণিকপুৰঃ বঙাইগাঁও জিলাৰ কোকিলাত সাংবাদিকক আক্ৰমণ কৰা অভিযুক্ত এজনক গ্ৰেপ্তাৰ৷ ৰফিকুল ইছলাম ওৰফে লেংৰাক নাম্বাৰপাৰাৰ পৰা আজি দুপৰীয়া কোকিলা আৰক্ষীয়ে গ্ৰেপ্তাৰ কৰে৷ ৰফিকুল ইছলাম ওৰফে লেংৰা মাণিকপুৰ আঞ্চলিক কলেজৰ ছাত্ৰ৷ যোৱা ০১ জুলাইৰ নিশা ০৯-৩০ বজাত সাংবাদিক এম কে পাছাক চোকা অস্ত্ৰৰে আক্ৰমণ কৰিছিল দুৰ্বৃত্তৰ দলে৷

সাংবাদিকগৰাকীক আক্ৰমণ কৰি দুৰ্বৃত্তৰ দলে লুটি লৈছিল নগদ ৫০,০০০ টকা, প্ৰেছ কাৰ্ড আৰু এটি এম। দুৰ্বৃত্তৰ দলৰ বাকীকেইজন পলাতক অৱস্থাত আছে৷ ৰফিকুল ইছলাম ওৰফে লেংৰা নামৰ দুৰ্বৃত্তজন সম্প্ৰতি অভয়াপুৰী আৰক্ষী থানাৰ লকআপত আছে৷