নগাঁওঃ ইণ্ডিয়ান জাৰ্ণেলিষ্ট ইউনিয়নৰ অন্তৰ্ভুক্ত জাৰ্ণেলিষ্ট ইউনিয়ন অৱ আসামৰ(জুৱা) নগাঁও জিলা নতুন কাৰ্যনিৰ্বাহক সমিতি আজি গঠন কৰা হয়। আজি নগাঁও আবৰ্ত ভৱনৰ সভাকক্ষত জুৱাৰ ৰাজ্যিক উপ সভাপতি পলাশ ৰঞ্জন দাসৰ সভাপতিত্বত অনুষ্ঠিত সভাত জিলাখনৰ বিভিন্ন প্ৰান্তৰ ছপা আৰু বৈদ্যুতিন মাধ্যমৰ সাংবাদিকসকল উপস্থিত থাকে।
সভাত পৰ্য্যবেক্ষক হিচাপে অংশগ্ৰহণ কৰে জুৱাৰ যুটীয়া সম্পাদক থুলেশ্বৰ কলিতা, প্ৰচাৰ সম্পাদক দিগন্ত ভূঞা অংশগ্ৰহণ কৰি জুৱাৰ লক্ষ্য আৰু আদৰ্শৰ বিষয়ে ব্যাখ্যা দাঙি ধৰে। সভাত নগাঁও প্ৰেছ ক্লাবত সভাপতি কনক হাজৰিকা, জ্যেষ্ঠ সাংবাদিক মুনিন্দ্ৰ শইকীয়া আদিয়ে ভাষণ প্ৰদান কৰে।
সভাতেই কবিন গায়নক সভাপতি, জ্যোতিপ্ৰসাদ বৰা, পদুম কলিতা, বীৰেন বৰাক উপ-সভাপতি, তপন কুমাৰ বৰাক সাধাৰণ সম্পাদক, মহিব উল্লাহ, অজিত কুমাৰ শইকীয়া, অজিত শইকীয়াক সহ-সম্পাদক, পংকজ শৰ্মাক বিত্ত সম্পাদক, ভৱজ্যেতি ডেকা, দ্বীপেন শইকীয়াক সাংগঠনিক সম্পাদক, প্ৰসেনিজত মণ্ডলক প্ৰচাৰ সম্পাদক, ৱাহিদুদ জামানক কাৰ্যালয় সম্পাদক হিচাপে লৈ নগাঁও জিলা সমিতিখন গঠন কৰা হয়। সভাত কেইবাটাও গুৰুত্বপূৰ্ণ প্ৰস্তাৱ গ্ৰহণ কৰা হয়।
