বোকাখাতঃ ৰাজ্যৰ বিভিন্ন ঠাইত অসম বিদ্যুৎ বিভাগৰ কৰ্মকাণ্ড অতি শোচনীয়। বিদ্যুৎ বিভাগৰ চৰম অৱহেলাৰ বাবে বিগত দিনত কেইবাজনৰো প্ৰাণ গৈছে। ইয়াৰ পিছতো ৰাজ্যৰ বিদ্যুৎ বিভাগৰ গা লৰা নাই।
বোকাখাতৰ যোগনীআতি এখন গাঁৱৰ এটা বিদ্যুৎ খুটা পৰি যোৱাৰ পাছতো মেৰামতিৰ কোনো কানসাৰ নাই বোকাখাত বিদ্যুৎ সংমণ্ডলৰ। বিগত দুমাহ ধৰি বিদ্যুতৰ পৰা বঞ্চিত গঞা ৰাইজ।
বোকাখাত বিদ্যুৎ সংমণ্ডলক অঞ্চলবাসীয়ে সমস্যা সম্পৰ্কে জনাইছে যদিও নাই কোনো গুৰুত্ব। এনে হেমাহিত প্ৰাণো যাব পাৰে কাৰোবাৰ । বিদ্যুতৰ সুব্যৱস্থাৰ বাবে বোকাখাত বিদ্যুৎ সংমণ্ডলক দাবী জনাইছে ৰাইজে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।