নিউ গুৱাহাটীৰ ৰেল লাইনত আঘাতপ্ৰাপ্ত অৱস্থাত উদ্ধাৰ হোৱা যুৱকৰ মৃত্যু

গুৱাহাটীঃ শুক্ৰবাৰে নিউ গুৱাহাটী ৰে’ল লাইনত এগৰাকী যুৱকক আৰক্ষীয়ে আঘাটপ্ৰাপ্ত অৱস্থাত উদ্ধাৰ কৰে। উদ্ধাৰ কৰা যুৱকজনক আৰক্ষীয়ে ততাতৈয়াকৈ জিএমচিএইছলৈ প্ৰেৰণ কৰে যদিয়ো গুৰুতৰ ভাৱে আঘাটপ্ৰাপ্ত যুৱকজনে আজি পুৱা ১০ বজাত চিকিৎসালয়তে মৃত্যুক আকোৱালি লয়।

যুৱকজনে মৃত্যুৰ পূৰ্বে নিজৰ পৰিচয় কোকৰাঝাৰ বাসিন্দা স্বৰ্গীয় ধৰনী ৰয়ৰ পুত্ৰ গুনধৰ ৰয়(২৫)বুলি আৰক্ষীক দিয়ে যদিও যুৱকজনৰ সঠিক ঠিকনা এতিয়ালৈ আৰক্ষীয়ে পাবলৈ সক্ষম হোৱা নাই। যাৰ ফলত মৃতদেহটো বৰ্তমান জিএমচিএইছৰ মৰ্গত ৰখা হৈছে। যদি কোনো লোকে এই যুৱকজনৰ পৰিচয় জানে তেনেহলে ৯৪৩৫৭৩৬৬৬০ নম্বৰত যোগাযোগ কৰিবলৈ অনুৰোধ জনোৱা হ'ল।