নলবাৰীত চোকা অস্ত্ৰৰে একেটা পৰিয়ালৰ ৬ জনক আক্ৰমণ

নলবাৰীঃ প্ৰেমৰ ভয়ংকৰ পৰিণতিত নলবাৰীত আল্লিয়াত শনিবাৰে এক লোমহৰ্ষক ঘটনা সংঘটিত হয়। কমৰ আলীৰ পৰিয়ালে আক্ৰমণ কৰে জামাল আলীৰ পৰিয়ালক। চোকা অস্ত্ৰৰে আক্ৰমণ কৰি জামাল আলীৰ পৰিয়ালৰ ৬জনকৈ সদস্যক আঘাতপ্ৰাপ্ত কৰে।

আহত আটাইকেইজনক নলবাৰীৰ শ্বহীদ মুকুন্দ কাকতি অসামৰিক চিকিৎসালয়ত ভৰ্তি কৰায় যদিও সংকটজনক অবস্থাত দুজনক জিএমচিএইচলৈ প্ৰেৰণ কৰে। আহত ব্যক্তিকেইজন ক্ৰমে জামাল আলী, চাইফ আলী, জয়নাল আলী, চাদ্দাম আলী, চালম আলী আৰু চাজাদা খাটুন।