গৌৰীপুৰত পিষ্টলসহ যুৱক আটক

গৌৰীপুৰঃ গৌৰীপুৰ আৰক্ষীৰ বৃহৎ সফলতা। গৌৰীপুৰত পিষ্টলসহ যুৱক আটক৷ ধৃত যুৱকজন চান্দাখোলৰ বাসিন্দা বিশা আলীৰ পুত্ৰ হাসেম আলী(২৭)৷

গুৱাহাটীৰ পৰা AS 01C 8636 নম্বৰৰ আল্ট্ৰা বাছেৰে ধুবুৰী অভিমুখে আহি থকা সময়তে পুৱাৰ ভাগত আৰক্ষীৰ গোপন সূত্ৰৰ ভিত্তিত পমখেদি গৌৰীপুৰ আৰক্ষীয়ে আটক কৰিবলৈ সক্ষম হয়৷

ধৃত যুৱকজনৰ পৰা এটা ৭.৬৫ এম এম পিষ্টল,এটা মেগজিন,মোবাইল আৰু আপত্তিজনক নথিপত্ৰ জব্দ কৰে৷ সম্প্ৰতি গৌৰীপুৰ আৰক্ষীয়ে যুৱকজনক জেৰা অব্যাহত ৰাখিছে৷