হোজাইত দ্ৰুতগতি বাইকৰ খুন্দাত নিহত এজন

হোজাইঃ মোৰাঝাৰৰ সুতাৰপুৰত সংঘটিত হয় এক ভয়ংকৰ পথ দুৰ্ঘটনা। দুৰ্ঘটনাত নিহত হয় সুনাহৰ আলী নামৰ এজন লোক। নিহত লোকজনৰ ঘৰ মোৰাঝাৰৰ সুতাৰপুৰ গাঁৱত বুলি জানিব পৰা গৈছে। জানিব পৰা মতে নীলবাগানৰ পৰা মোৰাঝাৰ অভিমুখে NL01E 5660 নম্বৰৰ দ্ৰুতবেগী ডিস্কক’ভাৰ বাইকখনে মছজিদৰ পৰা নামাজ পঢ়ি ঘৰ অভিমুখে গৈ থকা সুনাহৰ আলী নামৰ লোকজনক পিছফালৰ পৰা আহি তীব্ৰবেগে খুন্দা মাৰে।

ঘটনাস্থলীৰ ওচৰে পাজৰে থকা স্থানীয় ৰাইজে লোকজন ততাতৈয়াকৈ উদ্ধাৰ কৰি হোজাইৰ হাম হস্পিটেললৈ লৈ যোৱাত মাজপথতেই মৃত্যু হয়। দুৰ্ঘটনা সংঘটিত কৰা বাইকখন মোৰাঝাৰ আৰক্ষীয়ে ইতিমধ্যে জব্দ কৰাৰ লগতে নিহত ব্যক্তিজনক মৰণোত্তৰ পৰীক্ষাৰ ভাৱে নগাঁৱলৈ প্ৰেৰণ কৰে।