লামডিংঃ দত্ত ভবনত লামডিং যুৱ কংগ্রেছৰ তৰফৰ পৰা নগাঁও লোকসভা সমষ্টিৰ নৱ নির্বাচিত সাংসদ প্রদ্যুৎ বৰদলৈক সম্বর্ধনা জনোৱা হয়। অনুষ্ঠানত প্রাক্তন বিধায়ক স্বপন কৰ, প্রাক্তন মন্ত্রী অর্ধেন্দু দে, লামডিং ব্লক কংগ্রেছৰ সভাপতি বিশ্বজিৎ ৰয় চৌধুৰীৰ লগতে বহু বিশিষ্ট ব্যক্তি উপস্থিত থাকে। সাংসদ প্রদ্যুৎ বৰদলৈ ভাষন প্রসংগত কয় যে বিজেপি এটা সাম্প্রদায়িক দল হিন্দু মুছলমান লৈ ৰাজনীতি কৰে।
লগতে তেওঁ মন্তব্য কৰে যে হিন্দু বঙালী মানুহক ফুটবলৰ নিচিনা এফাল এফাল কৰিছে। অনুষ্ঠানটোত ৩০ জন বিজেপি কৰ্মী কংগ্ৰেছত যোগদান কৰে। লগতে গোটেই অসমত মুখ্যমন্ত্রী সর্বানন্দ সোণোৱালৰ নির্দেশত কয়লাৰ পৰা আৰম্ভ কৰি ছুপাৰিৰ ছিণ্ডিকেটৰাজ চলিছে বুলি সাংসদগৰাকীয়ে মন্তব্য কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।