যোগীঘোপাত নাৱৰ ওপৰতেই চৌকা জ্বলিছে বানবিধ্বস্ত পৰিয়ালৰ

যোগীঘোপাঃ আহাৰ মহীয়া বানে বঙাইগাঁও জিলাৰ যোগীঘোপাৰ বইটামাৰী ৰাজহ চক্ৰৰ পশ্চিম মাজেৰ আলগাত সৰহসংখ্যক গাঁও প্লাৱিত কৰি তোলাত ৰাইজৰ মাজত হাহাকাৰ লাগিছে৷ ইফালে বাট-পথ সকলোতে এতিয়া পানী। শতাধিক পৰিয়ালৰ ঘৰৰ মধুচলৈ পানী। পানীৰ মাজতে আৱদ্ধ এটি পৰিয়াল। বিগত কেইবাদিন ধৰি নাৱত জীৱন অতিবাহিত কৰিবলগীয়া হৈছে এটি কণমানি শিশুসহ মাতৃয়ে।

বানত বুৰিল ঘৰ-বাৰী, পেটৰ ভাতমুঠি যোগাৰ কৰিবলৈও নাই ঠাই, নাৱৰ ওপৰতেই চৌকা জ্বলিছে বানবিধ্বস্ত পৰিয়ালটোৰ। কিন্তু উক্ত পৰিয়ালটোক এতিয়ালৈকে উদ্ধাৰ কৰিবলৈ সক্ষম হোৱা নাই বঙাইগাঁও জিলা প্ৰশাসন, উত্তৰ শালমাৰা মহকুমাৰ প্ৰশাসন। কণমানি শিশুটো খাদ্যৰ পৰা বঞ্চিত।