দেৰগাঁওঃ দেৰগাঁৱত এক উত্তেজনাময় পৰিস্থিতি। দুটা ফৈদৰ মাজত সৃষ্টি হ’ল যুদ্ধ সদৃশ পৰিস্থিতি। দাৰ ঘাপত গুৰুতৰ ভাবে জখম দুজনকৈ লোক। আৰক্ষীৰ লোক ঘটনাস্থলীত উপস্থিত হৈ পৰিস্থিতি নিয়ন্ত্ৰণ কৰি অভিযুক্তক গ্ৰেপ্তাৰ কৰে। দেৰগাঁও এলাহাবাদ বেংকৰ সন্মুখত গণেশ দলে আৰু তেওঁৰ পাচ পুত্র বাপা দলে, আদিত্য দলে, কেটেঙ দলে, অমৃত দলে, কৃষ্ণ দলেই এখন অস্থায়ী দোকান গৃহ নিৰ্মাণ কৰিবলৈ লওঁতেই কৃষ্ণ বাহাদুৰ দৰ্জী নামৰ যুৱকজনৰ লগত কাজিয়াৰ সূত্ৰপাত হয়।
গণেশ দলে আৰু তেওঁৰ পাচ পুত্ৰই কৃষ্ণ বাহাদুৰক চোকা অস্ত্ৰই আঘাত কৰাৰ ফলত ঘটনাস্থলীতে তেওঁ বাগৰি পৰে ফলশ্ৰুতিত অঞ্চলটোত এক উত্তেজনাময় পৰিস্থিতিৰ সৃষ্টি হয়। স্থানীয় একাংশ লোক ঘটনা স্থলীত উপস্থিত হৈ গণেশ দলে আৰু তেওঁৰ পাচ পুত্ৰক উত্তম মাধ্যম দি আবদ্ধ কৰি ৰাখে। আৰক্ষীৰ লোক উপস্থিত হৈ ঘটনাস্থলীৰ পৰা গণেশ দলে আৰু কৃষ্ণ বাহাদুৰক গুৰুতৰ ভাবে জখম অৱস্থাত উদ্ধাৰ কৰি চিকিৎসালয়ত ভৰ্তি কৰিছে। ইতিমধ্যে ঘটনাৰ প্ৰকৃত কাৰণ জানিব পৰা নাই যদিও ধন ধাৰলৈ লোৱা আৰু দোকান গৃহ লোৱা আদি কাৰণতেই সংঘাতৰ সূত্ৰপাত হৈছে বুলি জানিব পৰা গৈছে৷
