গহপুৰত ম’হৰ আক্ৰমণত গুৰুতৰ ভাৱে আহত ব্যক্তি

গহপুৰঃ ডিপৰা বড়ীগাঁৱত বানৰ তাণ্ডব মাৰ নৌযাতেই এইবাৰ ম’হৰ তাণ্ডৱ। গুৰুতৰ ভাৱে আঘাতপ্ৰাপ্ত হৈছে এগৰাকী ব্যক্তি। অৱস্থা সংকটজনক ষাঠি উৰ্ধৰ ব্যক্তিজনৰ। আঘাতপ্ৰাপ্ত হোৱা ব্যক্তিজনক প্ৰেৰণ কৰা হৈছে তেজপুৰ TMCH লৈ। লগতে তিনিখনকৈ মটৰ চাইকেল আক্ৰমণ কৰি লণ্ডভণ্ড কৰে ম’হৰ দলটিয়ে।

বৰ্তমান লৈকে ম’হৰ দলটি বনৰীয়া নে ঘৰচীয়া তাৰ চিনাক্তকৰণ হোৱা নাই। বনবিভাগক খবৰ দিয়াৰ পিছতো পলমকৈ উপস্থিত হোৱাত তীব্ৰ ক্ষোভ প্ৰকাশ কৰে স্থানীয় ৰাইজে। অৱশেষত বন বিভাগ উপস্থিত হৈ ম’হকেইটা বন বিভাগৰ দ্বাৰা শূন্যলৈ গুলীচালনা কৰি নিৰ্জন ঠাইলৈ লৈ যাবলৈ সক্ষম হৈছে।