বিজনীত বন বিভাগৰ অভিযানত চোৰাং কাঠৰ কুণ্ডাসহ ম'হ-গৰুৰ গাড়ী জব্দ

বিজনীঃ চিৰাং জিলাৰ বিজনীৰ কাণ্ঠালগুৰীত সোমবাৰে নিশা বন বিভাগৰ অভিযানত চোৰাং কাঠৰ কুণ্ডাসহ ৩ খনকৈ ম'হৰ গাড়ী আৰু এখন বনৰীয়া গৰুৰ গাড়ী জব্দ হয়। উল্লেখ্য চোৰাং কাঠ ব্যৱসায়ীয়ে কাণ্ঠালগুৰীত উক্ত ম'হ আৰু বনৰীয়া গৰুৰ গাড়ীত চোৰাং কাঠ উঠাই থকাৰ তথ্য লাভ কৰে বন বিভাগে।

বন বিভাগৰ কুকলুং বনাঞ্চলিক বিষয়াৰ কাৰ্যালয় আৰু বিজনী ডিপোট কাৰ্যালয়ৰ যৌথ অভিযানত গাড়ীসহ চোৰাং কাঠৰ কুণ্ডা জব্দ হয় যদিও বন বিভাগৰ উপস্থিতিৰ উমান পাই চোৰাং কাঠৰ ব্যৱসায়ীসকলে ঘটনাস্থলীৰ পৰা পলায়ন কৰে। পাছত জব্দকৃত কাঠসহ ম'হ আৰু বনৰীয়া গৰুৰ গাড়ী চাৰিখন কুকলুং বনাঞ্চলিক বিষয়াৰ কাৰ্যালয়লৈ অনা হয়।